ისტორია

ლ. მანაგაძის სახელობის უროლოგიის ეროვნული ცენტრი არის საქართველოში პირველი და ერთადერთი სპეციალიზებული უროლოგიური კლინიკა, რომელიც დაარსდა 1959 წელს. ცენტრის მიზანია უროლოგიური და ნეფროლოგიური დაავადებების დიაგნოსტიკა, მკურნალობა და პრევენცია. უროლოგიის ეროვნულ ცენტრში ვმკურნალობთ როგორც ზრდასრულ პაციენტებს, ასევე ბავშვებსა და მოზარდებს, რაც მას განსხვავებულს და უნიკალურს ხდის ქვეყანაში​.

ცენტრი აღჭურვილია თანამედროვე სამედიცინო ტექნოლოგიებით, რაც საშუალებას აძლევს ექიმებს მოახდინონ მაღალი ხარისხის დიაგნოსტიკა, მათ შორის კომპიუტერული ტომოგრაფია, ულტრასონოგრაფია და მრავალი სხვა სპეციალიზებული კვლევა. ცენტრის მედიკოსები არიან მაღალკვალიფიციური სპეციალისტები, რომლებიც სისტემატურად იმაღლებენ კვალიფიკაციას ევროპის სხვადასხვა ქვეყნებში და მონაწილეობენ საერთაშორისო კონფერენციებში.